Kategori:jv:Wanda 3

Tembung ingkang asesirah wanda panjing ꦲ꧀ꦭ (-l-) utawi karaketan sandhangan cakra ꦲꦿ (-r-) kerep dipun ulur dados tigang wanda, asesirah wanda swara -a (ing pagineman -e utawi wonten ingkang dados -u), kadosta: talaga, balumbang, baliwur, baleber, daluwang, barubah, saranta, garégah lsp. Tembung-tembung ingkang kados ingkang kasebut makaten punika prayogi lajeng kapadosan ing bawah panjing ꦲ꧀ꦭ utawi cakran ꦲꦿ kémawon, inggih punika ing tembung: tlaga, blumbang, bliwur, bleber, dluwang, brubah, sranta, grégah lsp.

(swarabakti)

Tembung ingkang angsal seselan: -(a)l utawi -el-, -(a)r- utawi -er-, wonten ing serat-serat kerep kalugokaken miturut pangrimbagipun dados tembung tigang wanda kados ingkang kasebut ing dhuwur. Tembung ingkang kados makaten punika inggih lajeng dipun padosi ing bawah panjing ꦲ꧀ꦭ utawi cakran ꦲꦿ kémawon, upaminipun: galebyar, kalepyur, garobyag, garopyak lsp. dipun padosi ing: glebyar, klepyur, grobyag, gropyak lsp. Déné ingkang lingganipun apurwa wanda pepet (-e) lajeng angsal seselan -r-, punika dipun padosi ing bawah: -re-(ꦉ) utawi ing -er (ꦲꦼꦂ).